11 декабрь куни Еврокомиссия Европа Иттифоқи ҳудудига парвозларни амалга ошириш имкониятидан маҳрум қилинган авиакомпаниялар рўйхатини қайта кўриб чиқди ва баъзи янгилашларни амалга оширди, деб хабар бермоқда «Кун».
Бу рўйхат 28 июль куни тузилган эди ва Европа ҳудудида хавфсизликни таъминлаш мақсадида Евроиттифоққа аъзо мамлакатларнинг аэропортларига самолётлари қўниши тақиқланган авиакомпанияларнинг «қора рўйхати» маълум қилинган эди. Бу рўйхатга Россиядаги 10 та, Болгариянинг 6 та, Индонезия, Ангола, Ливия, Қозоғистон ва Покистон каби давлатлардаги барча компаниялар киритилган эди.
11 декабрь куни бу рўйхатни қайта кўриб чиқиш давомида Қозоғистондаги авиакомпаниялардан бири Air Astana ҳамда Покистондаги яна бир неча авиакомпаниядан тақиқ олиб ташланди. Қирғизистон ва Афғонистон авикомпаниялари эса Европа Иттифоқи ҳудудидаги шаҳарларга учишларни амалга ошира олмайдиган бўлди.
Изоҳ (0)