Рамзан Қодиров Украина Олий Радаси миллатчи Радикал партия депутати Игорь Мосийчукнинг Чеченистон Республикаси раҳбари фотосуратини отиб ташлагани акс этган видеога изоҳ билдирди, дея хабар бермоқда «РБК».
У Мосийчукни «қўрқоқ ва носоғлом одам» деб атади. Аввалроқ Мосийчук интернетга видео жойлаган эди, унда у дастлаб Қодировга таҳдид қилиб, сўнг унинг фотосуратини отиб ташлагани муҳрланган.
4 декабрга ўтар кечаси Чеченистон пойтахти Грозний шаҳрига жангарилар гуруҳи ҳужум қилган, узоқ давом этган отишмалардан сўнг 10 нафар жангари йўқ қилинган ва 14 нафар полициячи ҳалок бўлган эди. Шундан сўнг Қодиров республика ҳуқуқни ҳимоя қилиш органларига Украина халқ депутатлари Юрий Берёза, Андрей Левус ва Игорь Мосийчукка нисбатан «зудлик билан» жиноий иш очиб, уларни Чеченистонга келтиришни буюрган эди. Қодиров буни Грознийда бўлган воқеаларга уларнинг алоқадорлигини текшириб кўриш зарурлиги билан изоҳлади.
Ушбу депутатларга нисбатан жиноий иш қўзғатилиб, улар халқаро қидирувга ҳам берилди. Украина хавфсизлик хизмати эса Қодировнинг таҳдидлари юзасидан иш очиб, Украина парламенти аъзолари ҳимоясини кучайтирди.
Изоҳ (0)