Алишер Усмоновнинг вакили маълум қилишича, россиялик миллиардер Нью-Йоркдаги Christie’s кимошди савдоси уйида ўтказилган савдода америкалик олим Жеймс Уотсоннинг 1962 йилда тиббиёт соҳасида қўлга киритган Нобель мукофотини сотиб олди. Бу ҳақда «РБК» хабар берди.
4,757 миллион долларга сотиб олинган 23 каратли олтиндан ясалган, диаметри 6,6 сантиметр бўлган медални Усмонов Уотсонга қайтармоқчи. У олимнинг саратон касалликлари билан боғлиқ тадқиқотларидан ҳайратга тушган, чунки унинг отаси шу хасталикдан вафот этган.
Кимошди савдоси уйининг сайтида ёзилишича, бу Нобель медали меросхўрлар эмас, балки мукофот соҳибининг ўзи томонидан сотилган илк ҳолатдир. 86 ёшли Уотсон медаль сотилишидан тушган пулни бир нечта таълим муассасаларига хайрия қилиш ниятида эканлиги қайд этилган.
Изоҳ (0)