Қирғиз соми «РБК» Quote версияси бўйича 2014 йилда дунёнинг энг кучсиз пул бирликлари ўнталигига кирди, дея хабар бермоқда KNews. У ушбу рўйхатда 9-ўринни эгаллади.
Нашр таҳлилчилари қайд этишича, 2014 йил январидан буён қирғиз валютаси 14 фоизга қадрсизланган. Серб динори, Чили песоси, швед кронаси, Сейшел рупияси ва Молдова лейи қиймати ҳам шунга ўхшаш даражада тушган.
Дунё девальвацияси натижаларига кўра, қирғиз соми барқарорликда Украина гривнасидан бир поғона, Россия рублидан икки поғона ва қозоқ тангасидан саккиз поғона ўзиб кетди. Украина гривнаси 46 фоизга, Россия рубли эса 39 фоизга қадрсизланган.
Изоҳ (0)