Ucell мобил алоқа оператори томонидан 2014 йил 1 декабрдан ишга тушириладиган 4G технологияси амал қиладиган қурилмалар ва интернет тўпламлари нархлари маълум бўлди. Тарифлар ҳақида маълумот компания расмий сайтида берилган.
«4G Модем» тўпламида 99 доллар эвазига қуйидаги маҳсулот ва хизматлар тақдим этилади: 4G Модем (Huawei E3272); «Midi» тўпламидаги 24 000 Мегабайтлик бонус, бундан 8 000 Мб – берилган Интернет-трафик лимити (Бонус мегабайтлар уланган кундан бошлаб 30 кун давомида амал қилади), 16 000 Мб – медиа-порталлар учун берилган Интернет-трафик лимити (Берилган трафик лимити тугагандан сўнг, Интернет тезлиги 64 Кб/сонияга тенг бўлади); амалдаги исталган мавжуд тариф билан 4G ни қўллаб-қувватловчи SIM-карта.
«4G Wi-Fi Роутер» тўпламида 189 доллар эвазига қуйидагилар тақдим этилади: 4G Wi-Fi роутер (Huawei E5172); «Maxi» тўпламидаги 48 000 Мегабайтлик бонус: 16 000 Мб – берилган Интернет-трафик лимити (Бонус мегабайтлар уланган кундан бошлаб 30 кун давомида амал қилади), 32 000 Мб – медиа-порталлар учун берилган Интернет-трафик лимити (Берилган трафик лимити тугагандан сўнг, Интернет тезлиги 64 Кб/сонияга тенг бўлади); амалдаги исталган мавжуд тариф билан 4G ни қўллаб-қувватловчи SIM-карта.
Шунингдек, қайд этилишича, алоҳида 4G Интернет-тўпламлар ҳам тақдим этилган бўлиб, «Midi» тўпламида 45 доллар эвазига 30 кун муддатга максимал тезликда 8000 Мб, порталлар учун максимал тезликда 16 минг Мб бонус тақдим этилади. «Maxi» тўпламида 70 доллар эвазига 30 кун муддатга максимал тезликда 16 минг Мб, порталлар учун максимал тезликда 32 минг Мб тақдим этилади. Тўпламларни фаоллаштириш *444# USSD сўрови орқали амалга оширилиши маълум қилинган.
Тўпламлар доирасидаги алоҳида бонус мегабайтлари Serial.uz, Pesnya.uz, Mytube.uz, Player.uz, Mediabay.uz медиапорталлари учун амал қилади.
Эслатиб ўтамиз, 2014 йил 1 декабрдан Ўзбекистонда UMS мобил алоқа оператори иш бошлаши кутилмоқда. Шунингдек, 27 ноябрь куни Beeline сентябрь ойида бошланган 3G-мосламалари харидорларига ярим йил мобайнида бонусли интернет бериш акциясини 2014 йилнинг сўнгига қадар давом этишини эълон қилди.
Изоҳ (0)