Apple илк бора Россия телевидениесида реклама қилина бошлади

Apple Россия телевидениесида илк реклама кампаниясини ишга туширди, дея хабар бермоқда «Ведомости» компания шериклари берган маълумотга таяниб.

Айни пайтда телеканаллларда иккита реклама ролиги намойиш этилмоқда. Улардан биринчиси iPhone 6 ва iPhone 6 Plus смартфонларига бағишланган. Иккинчиси эса Apple қурилмалари учун мўлжалланган баъзи дастурлар ҳақида ҳикоя қилади.

Apple’нинг Россиядаги буюртмачиси бўлган реклама агентлиги маълум қилишича, ушбу реклама роликлари ноябрь охиригача ва бутун декабрь давомида эфирга узатилади.

Нашрнинг реклама агентликларидан биридаги манбаси ҳисоб-китобларига кўра, Apple’нинг йил охиригача бўлган реклама кампанияси нархи тахминан 50—70 миллион рублни ташкил этади.