Ucell mobil aloqa operatori tomonidan 2014-yil 1-dekabrdan ishga tushiriladigan 4G texnologiyasi amal qiladigan qurilmalar va internet to‘plamlari narxlari ma’lum bo‘ldi. Tariflar haqida ma’lumot kompaniya rasmiy saytida berilgan.
“4G Modem” to‘plamida 99 dollar evaziga quyidagi mahsulot va xizmatlar taqdim etiladi: 4G Modem (Huawei E3272); “Midi” to‘plamidagi 24 000 Megabaytlik bonus, bundan 8 000 Mb – berilgan Internet-trafik limiti (Bonus megabaytlar ulangan kundan boshlab 30 kun davomida amal qiladi), 16 000 Mb – media-portallar uchun berilgan Internet-trafik limiti (Berilgan trafik limiti tugagandan so‘ng, Internet tezligi 64 Kb/soniyaga teng bo‘ladi); amaldagi istalgan mavjud tarif bilan 4G ni qo‘llab-quvvatlovchi SIM-karta.
“4G Wi-Fi Router” to‘plamida 189 dollar evaziga quyidagilar taqdim etiladi: 4G Wi-Fi router (Huawei E5172); “Maxi” to‘plamidagi 48 000 Megabaytlik bonus: 16 000 Mb – berilgan Internet-trafik limiti (Bonus megabaytlar ulangan kundan boshlab 30 kun davomida amal qiladi), 32 000 Mb – media-portallar uchun berilgan Internet-trafik limiti (Berilgan trafik limiti tugagandan so‘ng, Internet tezligi 64 Kb/soniyaga teng bo‘ladi); amaldagi istalgan mavjud tarif bilan 4G ni qo‘llab-quvvatlovchi SIM-karta.
Shuningdek, qayd etilishicha, alohida 4G Internet-to‘plamlar ham taqdim etilgan bo‘lib, “Midi” to‘plamida 45 dollar evaziga 30 kun muddatga maksimal tezlikda 8000 Mb, portallar uchun maksimal tezlikda 16 ming Mb bonus taqdim etiladi. “Maxi” to‘plamida 70 dollar evaziga 30 kun muddatga maksimal tezlikda 16 ming Mb, portallar uchun maksimal tezlikda 32 ming Mb taqdim etiladi. To‘plamlarni faollashtirish *444# USSD so‘rovi orqali amalga oshirilishi ma’lum qilingan.
To‘plamlar doirasidagi alohida bonus megabaytlari Serial.uz, Pesnya.uz, Mytube.uz, Player.uz, Mediabay.uz mediaportallari uchun amal qiladi.
Eslatib o‘tamiz, 2014-yil 1-dekabrdan O‘zbekistonda UMS mobil aloqa operatori ish boshlashi kutilmoqda. Shuningdek, 27-noyabr kuni Beeline sentabr oyida boshlangan 3G-moslamalari xaridorlariga yarim yil mobaynida bonusli internet berish aksiyasini 2014-yilning so‘ngiga qadar davom etishini e’lon qildi.