Компьютер сичқончаси ўрнини босувчи янги қурилма яратилди

Компьютер сичқончаси ўрнини босадиган янги қурилма яратилди ва Flow деб номланди, дея хабар бермоқда Engadget.

Цилиндр шаклидаги, жойидан қўзғалмайдиган манипулятор хоккей шайбасидан сал кичикроқ ҳажмга эга: диаметри 70, баландлиги 15 миллиметрга тенг. Flow’нинг гардиши айланади, устки юзаси сенсорли смартфон каби бармоқ теккизилиши ёки босилишини фарқлайди.

Манипулятордаги ёруғлик датчиги ва инфрақизил сенсорлар уни бармоқни теккизмасдан ҳам туриб бошқариш имконини беради.

Қурилма компьютерга Bluetooth орқали уланади. Унга жойланган аккумулятор заряди тўрт ойга етади.

Айни пайтда Flow OS X билан ишлай олади, бироқ тез орада у iOS, Android ва Windows’га ҳам мослаштирилади.

Лойиҳа ҳақидаги маълумот Indiegogo краудфандинг сайтига жойлаштирилган, ҳозирча зарур маблағнинг 34 фоизи йиғилган.

Flow 2015 йил июнидан кейин 135 доллардан сотувга чиқиши кўзда тутилган.