Ёшлар ижод саройида Республика ихтисослаштирилган санъат мактаб-интернатининг 85 йиллигига бағишланган «Санъат бешиги 85 ёшда» номли кўргазма ва юбилей тантанаси бўлиб ўтди. Бу ҳақда Ўзбекистон Бадиий академияси расмий сайти хабар бермоқда.
Мазкур тадбирда турли вазирлик ва идоралар, ижодий ташкилотлар вакиллари, таниқли маданият арбоблари, академик рассомлар, Республика ихтисослаштирилган санъат мактаби маъмурияти, ўқитувчи-мураббийлар, ўқувчилар, ота-оналар, санъат намояндалари ва ихлосмандлари, шаҳар аҳли, юртимиз меҳмонлари ҳамда оммавий ахборот воситалари ходимлари иштирок этди.
«Санъат бешиги 85 ёшда» кўргазмасида рассомлик бўлимининг ижодий фаолияти ва бадиий мероси намойиш этилди.
Республика ихтисослаштирилган санъат мактаб-интернати 1929 йилда 20-сонли болалар уйи негизида ташкил топди ва 1950 йилларда иқтидорли болалар уйига айлантирилди. 1964 йилдан биринчи бор мактабда рассомлик бўлими очилиб, унга Республика ўрта махсус мусиқа-рассомлик мактаб-интернати мақоми берилди. 1985 йилда мактаб-интернат Ўзбекистон Республикаси Маданият ва спорт ишлари вазирлиги тасарруфига ўтказилиб, Республика санъат мактаб-интернатига айлантирилди. 1997 йил Ўзбекистон Бадиий академияси ўз фаолиятини бошлагандан сўнг, мактаб-интернатга Республика тасвирий ва амалий санъат мактаб-интернати номи берилиб, ЎзБА тасарруфига ўтказилди.
Изоҳ (0)