2014 йил 10 ноябрь куни Ўзбекистон Давлат архитектура ва қурилиш қўмитаси томонидан Жиззах вилояти Пахтакор шаҳрининг 2030 йилгача бўлган даврдаги бош режаси тасдиқланди. Бу ҳақда қўмита расмий сайти хабар берди.
Бош режага мувофиқ шаҳарнинг аҳолиси сони 40 минг кишигача, ҳудуд майдони 1127,7 гектаргача, уй-жой фонди 880 минг квадрат метргача ўсиши кўзда тутилган.
Шунингдек, бош режада ижтимоий, муҳундислик ва транспорт инфратузилмаларининг истиқболли ривожланиши ҳамда атроф-муҳитнинг экологик ҳолатини яхшилаш масалалари режалаштирилган.
Режа «Ўзшаҳарсозлик лойиҳалаш илмий-тадқиқот институти» ДУК томонидан ишлаб чиқилган.
Изоҳ (0)