Гонгконг бу ерда яшаётган мультимиллионерлар зичлиги бўйича дунёда етакчилик қилмоқда. Бу ҳақда Сингапурнинг Wealth-X компанияси ва Швейцариянинг UBS банки томонидан ўтказилган тадқиқотга таяниб, ТАСС хабар берди.
Бунда гап 30 миллион доллар ва ундан юқори маблағдаги нақд пулга айланадиган активларга эга кишилар ҳақида бормоқда. Шу тариқа, бу ерда ҳар миллион кишига 460 дан ортиқ ўта бадавлатлар тўғри келади, бу дунёдаги ўртача кўрсаткичдан 20 марта кўпдир.
Гонгконглик магнатларнинг тўртдан бир қисми аёллар бўлиб, бу ҳам рекорд кўрсаткичдир. Уларнинг 9 фоизи кўчмас мулк орқали бойлик орттирган.
Тадқиқот муаллифлари Осиёда маблағи 30 миллион доллардан зиёд бўлган жами 46 635 киши борлигини қайд этган. Шуларнинг 14 720 нафари Японияда, 11 070 нафари Хитойда ва 8595 нафари Ҳиндистонда яшайди. Кейинги ўринни Гонгконг, Жанубий Корея, Сингапур, Тайвань, Индонезия, Малайзия ва Таиланд эгаллайди.
Изоҳ (0)