Yevropa ittifoqi Serbiyaga YeIga qo‘shilish uchun talablardan biri sifatida Rossiyaga qarshi sanksiyalar kiritish majburiyatini yukladi. Bu haqda qo‘shnichilik va kengayish siyosati bo‘yicha yevrokomissar Yoxanes Xan bayonotiga tayanib, “Yevropeyskaya Pravda” xabar berdi.
Yevrokomissar Rossiya va Serbiya o‘rtasidagi tarixiy aloqalarni tushunishini, mamlakatni tanlashga majbur qilmasligini aytdi. Biroq Serbiyaning o‘zi YeIga qo‘shilish foydasiga o‘z tanlovini hal qildi, bu Rossiya prezidentining Serbiyaga tashrifi chog‘ida tasdiqlandi.
Nashrning eslatishicha, avvalroq Serbiya prezidenti Tomislav Nikolich Serbiya YeIga qo‘shilish bo‘yicha muzokaralarni davom ettirishini, biroq Rossiyaga qarshi sanksiyalar kiritmasligini ma’lum qilgan edi.
Izoh (0)