Мобил қурилмаларни зарядлаш учун фойдаланиладиган камар яратилди

Nifty компанияси мобил қурилмаларнинг батареясини қувватлаш учун фойдаланиладиган камар ихтиро қилди. Бу ҳақда The Verge маълумотига асосланиб «Пароль» нашри хабар берди.

Ушбу камар ХОО деб номланиб, ўзида 2100 мА·соат қувватни жамлай олади ва уни тўлиқ қувватлаш учун 3 соат вақт керак бўлади. Худди шундек, у мобил қурилмаларни зарядлаш учун ҳам уч соат вақт сарфлайди.

ХОО камари миcроUSB ва Apple маҳсулотларининг Lightening кабеллари ёрдамида мобил қурилмаларни зарядлайди. Унда  бешта диод чироқлари мавжуд ва улардан ХОО камарида қанча қувват қолганини кўриб туриш мумкин.

Бу камар одатийларидан ҳеч қандай фарқ қилмайди, уни тақиб юриш ва мобил қурилмаларни зарядлаш пайтида уни ечиб олиш шарт эмас. У 155 доллардан сотилиши кутилмоқда.

Шу пайтгача смартфонларга қўшимча қувват берувчи қурилмалар, ғилофлар мавжуд эди. Аммо уларни чўнтакда олиб юриш ноқулай ва улар ҳар доим ҳам ёнингизда бўлмайди. ХОО камари эса ҳар доим белингизда бўлади. Шу боис у кўпроқ фойдалироқ маҳсулот ҳисобланади.

Шунингдек, «Пароль» нашрида қуйидаги мақолаларни ҳам ўқишингиз мумкин:

• LG Uzbekistan селфи суратлар танловини бошлади;
• Смартфонга қўшимча қувват бериш учун бир марталик батарея лойиҳаси ишлаб чиқилди.