Миянинг жароҳатдан сўнг қайта тикланишига ихтисослашган америкалик олим фалаж кишиларга мулоқат қилиш учун ёрдам берадиган «мия-компьютер» тизимини ишлаб чиқмоқда, дея хабар берди The Verge. Ушбу тизим шарофати билан матнни фикрлаш кучи билан териш мумкин.
Жонатан Уоллоу томонидан ихтиро қилинган тизим мия сигналларини қабул қилиб, уни компьютер мониторига чиқаради. Тизим жуда оддий кўринишга эга: у компьютерга уланган, матосига электродлар билан тўлдирилган гель сингдирилган қалпоқдан иборат.
Ушбу тизимдан фойдаланаётган киши экрандаги ҳарфларга диққатини жамлаб, электродларни айнан қайси ҳарфга кўп диққат қаратилганини аниқлашга ундайди, ва ўша ҳарф экранга чиқади.
Ҳозирча «ҳарф териш» жараёни жуда секин: тизим мижознинг маълум бир ҳарфга диққатини аниқлаши учун камида 15 сония вақт зарур, бироқ бу бутун танаси фалажланган беморлар учун катта муваффақият.
Изоҳ (0)