Туркманистон, Афғонистон, Покистон ва Ҳиндистон давлат газ компаниялари янги компания таъсис этди. У 1800 километрлик Туркманистон-Афғонистон-Покистон-Ҳиндистон (ТAПҲ) газ қувурини қуриб, сўнг унга эгалик қилади ва ундан фойдаланади. Бу ҳақда Осиё тараққиёт банки (ОТБ) матбуот хизмати хабар бермоқда.
Тўртала мамлакат ҳам янги компания капиталида тенг улушга эга бўлди. ОТБ ТAПҲ газ қувури лойиҳаси бўйича транзакциявий маслаҳатчи этиб тайинланди.
ТAПҲ қувури 30 йил давомида Туркманистондан Афғонистон, Покистон ва Ҳиндистонга йилига 33 миллиард кубометр табиий газни экспорт қилади.
Изоҳ (0)