АҚШ Греция армиясига 500 га яқин бронетранспортёр (пиёда аскарларни олиб юриш ва разведка учун белгиланган зирҳли автомашина)ларни ва бошқа ҳарбий қурол-аслаҳаларни бепул тақдим этди. Бу ҳақда Греция мудофаа вазирлигига таяниб, Korrespondent.net хабар берди.
Вазирлик ахборот беришича, 10 ноябрь куни Пирей портида 113 та М113А2 бронетранспортёри, 83 та М577А2 туридаги, 42 та М105 А2-А3 туридаги қўмондонлик-штаб машинаси туширилди.
Салоники шаҳридаги портда эса 11 ноябрь куни 83 та М113А2 бронемашинаси, 62 та М577А2 қўмондонлик-штаб машинаси, 72 та ўзиюрар М901 ITV мосламаси, 46 та М1059 туридаги машина қабул қилиб олинди.
Изоҳ (0)