Россиялик олимлар илк гипертовушли ракеталарни яқин олти йил ичида — 2020 йилгача яратиши мумкин, дея хабар бермоқда «РИА Новости» «Тактик ракетали қурол-яроғ» корпорацияси бош директори Борис Обносов баёнотига таяниб.
Обносов AirshowChina авиацион-космик кўргазмаси чоғида дастлаб ҳавода базага эга бўлган гипертовушли ракеталар пайдо бўлишини, чунки улар парвоз этаётган элтувчи самолётдан учирилиши туфайли тезликнинг бошланғич захирасига эга бўлишини таъкидлади.
У шунингдек, 2030 йилгача бошқариладиган гипертовушли учар қурилмаларни яратиш ҳақида гапиришга ҳали эрта эканлигини айтди ва уларнинг пайдо бўлишига 2030—2040 йиллар оралиғида имконият юзага келишини тахмин қилди.
Изоҳ (0)