АҚШ президенти Барак Обама ва унинг оиласи аъзолари 2013 йилда жами қиймати 200 минг доллардан зиёд бўлган совғаларни қабул қилган, дея хабар бермоқда ТАСС. Америка қонунларига мувофиқ уларнинг барчаси ғазнага топширилган, АҚШ давлат департаментининг протокол хизмати эса улар ҳамда бошқа расмий шахсларга берилган совғалар тўғрисида ҳисобот тузган.
Совғалар орасида Бруней султони рафиқаси томонидан АҚШ биринчи хоними Мишель Обамага ҳадя этилган оқ олтиндан ишланиб, сариқ ёқут ва олмослар билан безатилган 71 минг долларлик заргарлик буюмлари ҳам бор.
Совға олган америкалик давлат хизматчилари баъзи ҳолларда уларни рўйхатдан ўтказгач, хизмат вақтида фойдаланиш учун ўзларида олиб қолиши мумкин. Масалан, калифорниялик республикачи конгрессмен Дана Рорабакер Грузия ички ишлар вазири томонидан тортиқ қилинган ХХ асрда қуйилган 1,4 минг долларлик коньякни худди шундай мақсад билан ўзида қолдирган эди.
Изоҳ (0)