Олимлар Чурюмов-Герасименко кометаси ядроси юзасининг «Фили» илмий модули қўнган вақтида олинган илк суратларини қўлга киритди. Бу ҳақда Европа космик агентлигига таяниб, «РИА Новости» хабар бермоқда.
Биринчи сурат модул бортидаги ROLIS камераси орқали комета ядроси юзасидан тахминан уч километр масофадан олинган.
Эслатиб ўтамиз, Европанинг «Розетта» номли зонди (атмосферанинг юқори қатламларини текшириш учун мўлжалланган аппарат)нинг тушириладиган модули — «Фили» Тошкент вақти билан 12 ноябрь соат 21:03 да Чурюмов-Герасименко кометасига қўнди. Таркибида «Фили» модули бўлган «Розетта» аппарати фазога 2004 йил март ойида Француз Гвианасида жойлашган Куру космодромидан учирилган эди.
«Фили» комета тупроғидан намуналар олиш учун махсус қурилма, спектрометр, фотокамера ва зарраларни таҳлил қилувчи ускуналар билан таъминланган. Мазкур жиҳозлар 4,5 миллиард йил аввал пайдо бўлганидан бери ўзгармай келаётган кометани ўрганишга ёрдам беради. Мутахассислар мазкур ноёб миссияга «фазовий археология» деб ном берди.
Изоҳ (0)