АҚШнинг Калифорния штатидаги Сонома округида тўрт ёшли болакай 70 метр баландликдаги қоядан тушиб кетгач, тирик қолди. Бу ҳақда Ботега-Бэй шаҳри полициясига таяниб, ТАСС хабар бермоқда.
Бола жиддий тан жароҳатлари билан касалхонага ётқизилди. Шифокорлар унинг аҳволини оғир деб баҳоламоқда.
Полиция воқеа жойига маҳаллий вақт билан 11 ноябрь 17:00 да (Тошкент вақти билан 12 ноябрь 06:00 да) етиб келган ва махсус техника билан болани ердан кўтариб олган.
«У тирик ва йиғлаётган эди, — деди полициядагилар. — Деярли 23 қават бинога тенг баландликдан қулаб, тирик қолгани — ҳақиқий мўъжиза».
Изоҳ (0)