AQSh prezidenti Barak Obama va uning oilasi a’zolari 2013-yilda jami qiymati 200 ming dollardan ziyod bo‘lgan sovg‘alarni qabul qilgan, deya xabar bermoqda “TASS”. Amerika qonunlariga muvofiq ularning barchasi g‘aznaga topshirilgan, AQSh davlat departamentining protokol xizmati esa ular hamda boshqa rasmiy shaxslarga berilgan sovg‘alar to‘g‘risida hisobot tuzgan.
Sovg‘alar orasida Bruney sultoni rafiqasi tomonidan AQSh birinchi xonimi Mishel Obamaga hadya etilgan oq oltindan ishlanib, sariq yoqut va olmoslar bilan bezatilgan 71 ming dollarlik zargarlik buyumlari ham bor.
Sovg‘a olgan amerikalik davlat xizmatchilari ba’zi hollarda ularni ro‘yxatdan o‘tkazgach, xizmat vaqtida foydalanish uchun o‘zlarida olib qolishi mumkin. Masalan, kaliforniyalik respublikachi kongressmen Dana Rorabaker Gruziya ichki ishlar vaziri tomonidan tortiq qilingan XX asrda quyilgan 1,4 ming dollarlik konyakni xuddi shunday maqsad bilan o‘zida qoldirgan edi.
Izoh (0)