Россия Қримга ядро қуролини етказиб берувчи воситаларини кўчириб ўтказмоқда, дея хабар берди «Европейская Правда» НАТОнинг Европадаги кучлари бош қўмондони Филипп Бридлавга таяниб.
«Ядро қуроли бор-йўқлигидан эса хабардор эмасмиз», — деди у. Бридлав сўзларига кўра, шарқий Украинада айирмачи жангариларни замонавий қурол-яроғдан фойдаланишга ўргатаётган Россия қўшинлари сони ошган.
Бундан ташқари бош қўмондон Россиядан Украинага қурол етказиб бераётган юк машиналари конвойларига нисбатан хавотир билдирди. «Ҳарбий қурол-аслаҳалар аввалгидек Украинага келтирилишда давом этмоқда. Сўнгги бир неча кун ичида уларнинг сони ўсиши кузатилди», — дея таъкидлади Бридлав.
Изоҳ (0)