Япония фуқароси давлатнинг хорижий ҳарбий кампанияларда мамлакат қуролли кучларининг иштирок этиш имконияти билан боғлиқ янги сиёсатига норозилик белгиси сифатида Токио марказида ўзини ёқиб юборди. Бу ҳақда Япониянинг NHK телеканали хабар бермоқда.
Ёниб кетган эркак 11 ноябрь, сешанба куни Хибия боғида топилган. Унинг ёнида бош вазир Синдзо Абэ ва парламентнинг иккала палатаси раҳбариятига бағишланган видеоёзув ҳамда мактублар аниқланган. Уларда фуқаро ҳукуматнинг ҳарбий сиёсатини қоралаган.
Жабрланувчини касалхонага етказишди, бироқ шифокорлар унинг ҳаётини сақлаб қола олмади.
Изоҳ (0)