Қорақалпоғистон Жўқорғи Кенгеси ўзининг 1 ноябрдаги қарори билан республика прокурори этиб Икромжон Полвоновни тайинлади. Бу ҳақда «Ҳуқуқ» газетасига таяниб, Gazeta.uz хабар бермоқда.
Икромжон Полвонов 1977 йилда Тўрткўл туманида туғилган. 1999 йилда Тошкент давлат юридик институтини тугатган.
У ўз меҳнат фаолиятини Тўрткўл туман прокуратурасида бошлаган, Нукус прокурори ёрдамчиси ва Нукус прокуратураси катта терговчиси бўлиб ишлаган.
2004 йилда Қорақалпоғистон прокурори ёрдамчиси этиб тайинланган, сўнг Ўзбекистон Бош прокуратураси бошқармаси прокурори лавозимини эгаллаган.
2008 йилда Хоразм вилояти Хонқа тумани прокурори этиб тайинланган, сўнг Бухоро вилояти прокурори ўринбосари, Қорақалпоғистон прокурори ўринбосари ва биринчи ўринбосари лавозимларида ишлаган.
Изоҳ (0)