Қозоғистон 2014—2015 йилларда Қирғизистонга электр энергияси етказиб берилишини таъминлайди. Ўз навбатида, Бишкек суғориш учун сув етказиб беришни бўйнига олди. Бу ҳақда Қозоғистон президенти Нурсултон Назарбоевга таяниб, Newskaz.ru хабар бермоқда.
«Қирғизистон президенти илтимосига кўра, биз шу йилда 400 миллион киловатт, кейинги йилда эса 1,4 миллиард киловатт ҳажмдаги электр энергиясини етказиб берамиз», — деди Назарбоев Остонада Алмазбек Атамбаев билан бўлиб ўтган учрашувдан сўнг.
Қозоғистон раҳбарининг аниқлик киритишича, Қирғизистон эса вегетация даврида Қозоғистонни суғориш учун сув билан таъминлаш бўйича келишувни амалга оширишга ваъда берган.
Изоҳ (0)