HTC янги флагман смартфонини One (М9) деб номламаслиги мумкин

2013 йилда HTC One (M7), жорий йил бошида эса One (M8) смартфонлари тақдим этилди. 2015 йилда янги HTC One (М9) смартфони тақдим этилиши кутилаётган бир пайтда, компаниянинг кейинги фалгман смартфони бундай номланмаслиги ҳақида миш-миш пайдо бўлди. Бу ҳақда Phonearena.com маълумотига асосланиб «Пароль» нашри хабар берди.

Хабарда таъкидланишича, янги HTC смартфони қандай номланиши ҳақида маълумот йўқ, аммо у «М-нимадир» дея номланмаслиги тахмин қилинмоқда.

Эслатиб ўтамиз, шу пайтгача Desire смартфони моделлари ҳам 820, 610, 310 каби рақамлар билан ажратилиб келинган эди. Аммо бу анъана яқинда тақдим этилган HTC Desire Eye селфи смартфонига келиб ўзгарди.

Шунингдек, «Пароль» нашрида қуйидаги мақолаларни ўқишингиз мумкин:

• HP компанияси проекторли клавиатурага эга Sprout компьютерини тақдим этди (фото);
• Собиқ Google ходими «келажаги бор» тўлов терминалини ишлаб чиқарди (фото);
• Apple компаниясининг 534 та маҳсулоти тасвирланган плакат сотувга чиқарилди.