Яқин уч йил ичида Хитой Тожикистонга 6 миллиард долларга яқин сармоя киритмоқчи, дея хабар қилмоқда «Ведомости» мамлакат молия вазири биринчи ўринбосари Жамолиддин Нуралиевга таяниб.
Унинг айтишича, Тожикистонда Россия иқтисодиётидаги вазиятнинг ёмонлашгани сезилмоқда. Шу сабабли мамлакат Хитой инвестицияларини жалб қилиш учун фаол ҳаракат қилмоқда.
Хитой инвестициялари газ қувурлари, темир йўллар ва цемент заводлари қуришга сарфланади.
Тожикистон ҳукумати маълумотларига кўра, Россияда мамлакатнинг бир миллионга яқин фуқароси ишлайди, бу меҳнатга лаёқатли ёшдаги эркак фуқароларнинг деярли ярми демакдир. Уларнинг Тожикистонга пул жўнатмалари йилнинг биринчи чорагидан бошлаб камайди. Ёздан буён эса яна 20 фоизга тушиб кетди.
Изоҳ (0)