21-oktabr kuni 13:54 da (Toshkent vaqti bilan 14:54 da) Rossiya Federatsiyasi Qurolli kuchlariga tegishli Il-20 razvedkachi samolyoti Estoniya havo hududiga 500 metrgacha ichkari kirdi. Bu haqda “Yevropeyskaya Pravda” xabar bermoqda.
Samolyot Estoniya hududida Xiyumaa va Saaremaadan g‘arbda bir daqiqa davomida bo‘ldi.
22-oktabr kuni mamlakat tashqi ishlar vazirligi Rossiyaning Estoniyadagi elchisi Yuriy Merzlakovni chaqirib, unga norozilik notasini topshirdi.
Chegaralar buzilishini Havo operatsiyalarini boshqarish bo‘yicha Estoniya markazi qayd etdi. Samolyot parvoz rejasiga ega bo‘lmagan, uning transponderi o‘chirilgan bo‘lgan. Havo kemasi Estoniya havo qatnovi xizmati bilan radioaloqaga kirishishdan qochgan.
Voqea tufayli havoga Boltiqbo‘yida havo chegaralari xavfsizligini ta’minlovchi Amerikaning F-16 qiruvchi samolyotlari ko‘tarildi. Ular betaraf suv hududida razvedkachi samolyot bilan vizual aloqa o‘rnatdi.
Izoh (0)