Spirit of Piraeus savdo kemasi jamoasi O‘rta Yer dengizining Kiprdan 64 kilometr masofadagi hududida kema parchalarini topdi. Ular 22-oktabr, chorshanba kuni Livanga yo‘l olgan kichik samolyotga tegishli bo‘lishi mumkin. Bu haqda “TASS” xabar berdi.
Bortida ikki kishi bo‘lgan Diamond DA42 ikki motorli samolyoti Pafosdan Beyrutga otlangan, biroq Larnaki shahridan 72 kilometr masofada ortga qayrilgan. Xabar berilishicha, Kipr aviadispetcherlari uchuvchidan buning sababini so‘rashgan, bunga javoban u kichik muammo chiqib qolganini aytgan. Shundan ko‘p o‘tmay samolyot radarlardan yo‘qolgan.
Kipr mudofaa vazirligi Isroil bilan hamkorlikda qidiruv-qutqaruv operatsiyasini boshlaganini ma’lum qildi. Livan ham o‘z suv hududida samolyotni qidirmoqda.
Izoh (0)