Италия полицияси Луго шаҳрида бир неча ўнлаб беморлар қотили сифатида гумон қилинаётган тиббий хизмат ходимасини ҳибсга олди. Дастлабки маълумотларга кўра, ҳамшира унинг ғашини келтирган қарияларни нобуд қилган. Бу ҳақда Korrespondent.net хабар бермоқда.
Шифохонанинг 39 нафар бемори вафотига алоқадор бўлиши мумкин бўлган 42 ёшли Даниэла Поджиалига жиноий жавобгарлик таҳдид қилмоқда. Терговчилар версиясига кўра, беморларга ўлимга олиб келувчи калий инъекцияси юборилган.
Тергов ишлари 8 апрелда Лугодаги тиббиёт муассасасига даволаниш учун ётқизилган, касаллиги нисбатан хавфсиз деб топилган 78 ёшли Роза Калдеронининг ўлимидан сўнг бошланган.
Суд тиббий экспертиза марҳуманинг қон таркибида юрак уришини тўхтатувчи калий хлоридининг катта миқдордаги дозаси борлигини кўрсатди.
2014 йилнинг биринчи чораги бўйича шифохона архивини кўриб чиққандан сўнг, терговчилар, худди шундай ғалати вазиятда 38 нафар бемор вафот этганлигини аниқлаган. Маълум қилинишича, беморларнинг аксарият қисмини Даниэла парвариш қилган.
Бироқ, Даниэланинг бошқа ўлимларга алоқадорлигини исботлаш анча қийин кечади, чунки қон таркибида калийнинг мавжудлигини кўрсатувчи белгилар икки кун мобайнида йўқ бўлиб кетади.
Изоҳ (0)