Украина Мустақил давлатлар ҳамдўстлигидаги иштирокини тўхтатмасликка қарор қилди, дея хабар бермоқда Segodnya.ua.
Украинанинг МДҲдан чиқиш ҳақидаги қарорини мамлакат ҳукумати 2014 йил мартидаёқ эълон қилган эди. Қрим Россия томонидан босиб олинганидан кейин расмий Киевда Ҳамдўстликка нисбатан даъво пайдо бўлган эди.
МДҲ ижроия қўмитаси матбуот хизмати хабарига кўра, ўтган ярим йил ичида ҳеч қандай чора-тадбирлар кўрилмаган, МДҲдан чиқиш ҳақидаги эълон эса норасмий бўлган.
Бундан ташқари, Пётр Порошенко шу пайтгача 10 октябрь куни Минскда бўлиб ўтадиган МДҲ давлатлари раҳбарлари мажлисида иштирок этишдан расман бош тортмаган. Президент матбуот хизмати ҳам, ташқи ишлар вазирлиги ҳам бу борада аниқ режаларни баён этмаган.
Украинанинг МДҲда ўз иштирокини тўхтатиш бўйича ҳеч қандай ишлар амалга оширилмаётганини мамлакат ҳукумати ҳам, парламент ҳам тасдиқлади. «Биз Ҳамдўстлик билан МДҲ эркин савдо зонаси доирасида ҳамкорликни давом эттирмоқдамиз», — деди иқтисодий тараққиёт ва савдо вазири вазифасини бажарувчи Валерий Пятницкий.
Изоҳ (0)