Чеченистон Республикаси фуқаролари президент Владимир Путиннинг туғилган кунини нишонлаб, мамлакатнинг улкан «тирик» байроғини яратишди. У катталиги бўйича жаҳон рекордини ўрнатди, дея хабар бермоқда «РИА Новости» Рамзан Қодировнинг Instagram’ига таяниб.
«Бугун (7 октябрь куни) Грознийда тирик давлат байроғини яратиш ва унда қатнашган одамлар сони бўйича янги жаҳон рекорди ўрнатилди. Россия ва Чеченистон байроқларининг узунлиги 2000 метрдан ошиб кетди, ушбу акцияда юз мингдан зиёд йигит-қиз қатнашди. Улар Россия Президентини қўллаб-қувватлаб, уни туғилган куни билан табриклади», — деб ёзди Қодиров ўзининг Instagram’даги саҳифасида.
Эслатиб ўтамиз, 7 октябрда Путин 62 ёшни қарши олди. Президент матбуот котиби Дмитрий Песков унинг туғилган кунини нишонлаш учун Сибирь тайгасига жўнаб кетганини маълум қилди. Шу куни Чеченистон пойтахти Грозний марказида бир неча минг киши иштирокида намойишлар бўлиб ўтди. Акция иштирокчилари Россия ва Чеченистон байроқларини кўтариб, «Россия!», «Чеченистон!» шиорларини баралла айтишди.
Изоҳ (0)