Европада хавфсизлик ва ҳамкорлик ташкилотининг ОАВ эркинлиги бўйича вакили Дунья Миятович Тожикистонда сўнгги бир неча ой ичида сайтларни ёпиб қўйиш ҳоллари тез-тез такрорланиб туриши юзасидан хавотир билдирди. Бу ҳақда «РИА Новости» хабар бермоқда. У буни «ташвишли тенденция» деб атади ва республика ҳукуматини интернетга ҳеч қандай чекловсиз киришни таъминлашга чақирди.
ЕХҲТ 4 октябрь куни Тожикистонда интернет-провайдерлар яна кўплаб вебсайт ва ижтимоий платформаларни ёпиб қўйганига эътибор қаратди. Мамлакат шимолида эса мобил интернет фаолияти чекланди. «Тожикистон ҳукумати ҳар қандай аралашувини рад этмоқда», — деди Миятович.
Тожикистон ҳукумати ҳузуридаги Алоқа хизмати раҳбари Бег Сабури «муассасанинг блокировкага алоқадор эмаслигини, улар вазиятни ҳал қилаётгани»ни айтган.
Изоҳ (0)