АҚШнинг Аризона штати Дуглас шаҳрида яшовчи эркак асалари галаси ҳужуми натижасида ҳалок бўлди. Галада тахминан 800 мингта ари бўлган. Яна бир неча киши арилар чақишидан жароҳат олган. Бу ҳақда CNN телеканалига таяниб «РИА Новости» хабар бермоқда.
Бахтсиз ҳодиса маҳаллий вақт билан 8 октябрь, сешанба куни тонгда турар жой яқинида содир бўлган. Уй томи остидаги 2 метрли майдонга асаларилар уя қурган бўлган. Маҳаллий ёнғинга қарши хизмат вакили Марио Новоанинг таъкидлашича, 800 мингга яқин асалари чақишидан беш киши жабрланган, улардан бири оқибатда вафот этган.
«Асаларилар ҳужуми ҳақида биз-бизга тез-тез хабарлар тушиб туради, бироқ шаҳримизда ари чақиши натижасида одам ҳалок бўлиши биринчи марта кузатилмоқда», — деди у.
Ари уясини йўқ қилиш учун дезинсекторлар томнинг бир қисмини кўчириб олишди. Уйнинг эгаси — 90 ёшли қария ҳодисадан жабр кўрмади.
Изоҳ (0)