Россия таниқли латвияликларни «қора рўйхат»га киритди

Россия «қора рўйхат»га уч нафар таниқли латвияликларни киритди, дея хабар бермоқда Delfi ички ишлар вазирлигига таяниб.

Собиқ бош прокурор, ҳозирги Сатверсме (Латвия Конституцияси)ни ҳимоя қилиш бўйича бюро директори Янис Майзитис, ҳуқуқшунос, Сейм (Латвия парламенти) депутати, жиноий ҳуқуқ сиёсати бўйича парламент кичик комиссияси раҳбари Андрей Юдин, шунингдек режиссёр Алвис Херманис персона нон грата деб эълон қилинди.

Delfi нашри билан бўлган интервьюда Майзитис ўзининг исми «қора рўйхат»га киритилганини тасдиқлади. «Бу менга хизмат мажбуриятларимни бажаришга халал бермайди», — деди у.

Нашрнинг эслатишича, аввалроқ Литва россиялик қўшиқчилар Иосиф Кобзон, Олег Газманов ва Валерияни қора рўйхатга киритган эди.