1 октябрь куни эрта тонгдан Тошкентдан Silk Route — 1200 километрли халқаро веломарафон старт олди, дея хабар бермоқда «Gazeta.uz». Ўн нафар спортчилар 06:30 да SMS ITI меҳмонхонасидан Тошкент—Бухоро—Самарқанд—Тошкент (Жиззах ва Навоийга тушилмайди) йўналиши бўйича жўнаб кетди.
Парижнинг Audax Club Parisien рандоннёрлар (велопойгачилар) клуби қоидалари бўйича ўтказилаётган бревет (узоқ масофали велопойга)да Голландия, Германия, Швеция, Россия ва Ўзбекистон спортчилари қатнашмоқда.
Бундай веломарафонлар Ўзбекистонда 2011 йилдан буён ўтказиб келинади. Дастлаб унда фақат маҳаллий спортчилар иштирок этган, кейинроқ халқаро велосипедчилар ҳам келиб қўшила бошлаган.
Марафон ташкилотчиси — Ўзбекистон Экстремал ва тоғ туризми федерацияси вакили Светлана Капранованинг «Gazeta.uz» нашрига маълум қилишича, 1209 километрлик масофани 90 соатда босиб ўтиш режалаштирилмоқда.
ACP қоидаларига мувофиқ, ҳар бир спортчи йўлни мустақил равишда, бошқаларнинг кўмагисиз (фавқулодда ҳолатлардан ташқари) босиб ўтиши керак.
Ўзбекистонлик икки иштирокчи Самарқанд—Тошкент йўналишидаги қисқароқ йўлни босиб ўтади.
Финиш 4 октябрь куни 00:00 да бўлиб ўтиши кўзда тутилган.
Марафоннинг боришини xt-uz.com сайтида кузатиш мумкин.
Изоҳ (0)