Грецияда 45 ёшли аёлни тириклайин дафн қилишди, дея хабар бермоқда НТВ.
Шифокорлар саратонга йўлиққан аёлнинг вафотини қайд этгач, уни дафн қилиш маросими бошланади. Бироқ жасадни кўмиб бўлишганидан сўнг қабрдан дод-фарёд ва туқ-туқ овозлари эшитила бошлайди. Бу маросимга йиғилганлар орасида ваҳимани келтириб чиқаради. Одамлар қабрни очиш учун ерни ковлашга киришади, бироқ аёл аллақачон ҳалок бўлганини кўришади.
Воқеа жойига етиб келган тиббиёт ходими тириклайин кўмилган аёл нафас қисилишидан вафот этганини айтди. Энди грециялик аёлнинг оиласи уни даволаган шифокор устидан судга арз қилмоқчи.
Айни пайтда қабристон ходимлари ҳуқуқни муҳофаза қилиш органларига кўрсатмалар бермоқда. Уларнинг айтишича, аёл бир соатлар чамаси ёрдам сўраб, бақириб-чақирган.
Изоҳ (0)