Тошкент шаҳридаги Zenith Electronics қўшма корхонасида Жанубий Кореянинг Samsung Electronics компанияси билан ҳамкорликда Samsung бренди остида LED-телевизорлар ишлаб чиқариш йўлга қўйилди, дея хабар бермоқда ЎзА.
Zenith Electronics ҚКда телевизор таркибий деталлари умумий ҳажмининг 35 фоизини ташкил этувчи олд панель, орқа қопқоқ, таглик, телевизор пенопласт ўрами кабиларни ишлаб чиқариш маҳаллийлаштирилган.
Қўшма корхонанинг тайёр маҳсулотни йиғиш цехи бошлиғи Р. Қаюмов сўзларига кўра, айни пайтда ишлаб чиқариш қуввати кунига диагонали 32 дюймга тенг 400 та телевизор чиқариш имконини беради. Келажакда ушбу кўрсаткични кунига 500 тага, телевизор диагоналини эса 40 дюймгача етказиш режалаштирилмоқда.
Мазкур лойиҳани амалга ошириш учун Samsung Electronics компанияси томонидан киритилган инвестицияларнинг умумий миқдори 2,9 миллион доллардан ошиб кетди.
Zenith Electronics маиший техника ишлаб чиқариш бўйича Ўзбекистондаги етакчи корхоналардан бири ҳисобланади. Айни пайтда компанияда телевизор, кондиционер, кир ювиш машиналари ишлаб чиқарилади.
Изоҳ (0)