22 сентябрь, душанба куни ҳолатига кўра Тошкентнинг Бунёдкор майдони атрофидаги чорраҳаларда реконструкция ишлари олиб борилмоқда.
«Дарё» мухбири хабарига кўра, Ўзбекистон шоҳ кўчасининг Фурқат кўчаси ва Бунёдкор шоҳ кўчаси билан кесишган қисмлари кенгайтирилмоқда.
Ўзбекистон шоҳ кўчасининг Фурқат кўчаси ва Бунёдкор шоҳ кўчаси билан кесишган қисмидаги яшил зона кичрайтирилиб, автомобиллар учун иккита қўшимча йўлак барпо этилмоқда.
Бунёдкорлик ишлари давомида чорраҳалардаги айрим светофорлар демонтаж қилинган, қолган светофорлар эса ишламаяпти. Автомобиллар ҳаракатини ЙҲХББ инспекторлари бошқариб турибди.
Светофорлар ишламаётгани сабабли чорраҳаларда тирбандлик кузатилмоқда.
Бунёдкорлик ишлари олиб борилаётгани сабабли пиёда ва автомобиллар ҳаракатланишида баъзи ноқулайликлар кузатилмоқда.
Вақтни тирбандликларда сарфламаслик учун автомобилчиларга куннинг тиғиз пайтларида ушбу чорраҳадан фойдаланмасликни тавсия этамиз.
Таъкидлаш жоиз, ушбу хайрли иш ҳақида Тошкент шаҳар ҳокимлиги сайтида маълумот берилмаган. Ҳокимлик сайтидаги сўнгги хабар бугун, 23 сентябрь куни киритлган «Муҳим тарбия маскани» бўлиб, у Ўзбек Миллий академик драма театрига бағишланган.
Тошкент шаҳар ҳокимияти ҳузуридаги ободонлаштириш бош бошқармаси ва «ТошкентбошпланЛИТИ» ДУК вакиллари бу қурилиш ҳақида маълумот бермади.
Изоҳ (0)