Жиззах вилоятининг Бахмал туманида олма дарахти гуллади, дея хабар бермоқда Жиззах ахборот портали.
«Бахмал туманида боғдорчилик билан шуғулланадиган кишилар жуда кўп. Бахмал олмаси ҳам республика бўйлаб таниқлидир», — деб ёзади нашр.
Маълум бўлишича, айни пишиқчилик палласида, йиғим-терим арафасида олма дарахтларининг баъзилари куртак чиқариб, гуллай бошлаган.
Маҳаллий боғбонларнинг айтишича, бунга олма дарахтларига касаллик тегиши сабаб бўлган. «Халқ тилида чатр деб аталадиган, ўргимчак тўри кўринишидаги касаллик оқибатида баъзи дарахтларнинг барглари тўкилиб кетди. Тўкилган барглар ўрнида янги япроқлар билан бирга гуллар ҳам чиқа бошлади», — деди боғбон Сардор Чориев.
Изоҳ (0)