Ўзбекистон ҳукумати Тошкент вилояти давлат педагогика институтини тугатиш ҳақида қарор қабул қилди, деб ёзади UzDaily.
Ушбу қарор Вазирлар Маҳкамасининг 18 сентябрдаги «Тошкент вилоятидаги таълим муассасалари фаолиятини оптималлаштириш ва уларнинг самарадорлигини ошириш бўйича чора-тадбирлар тўғрисида»ги қарорига мувофиқ қабул қилинди.
Ҳужжатда кўра, институт базасида 2014/2015 ўқув йилидан алоҳида фанларни чуқур ўргатишга ихтисослашган, 540 ўқувчи ўрнига эга мактаб-интернат ва Ўзбекистон давлат жаҳон тиллари университети қошидаги Ангрен академик лицейи (450 ўринга эга) очилади.
Ихтисослашган мактаб-интернат Тошкент вилояти маҳаллий бюджети ва қонунчилик билан тақиқланмаган бошқа манбалар ҳисобидан молиялаштирилади. Академик лицейни молиялаштириш эса республика бюджети ва қонунчилик билан тақиқланмаган бошқа манбалар орқали амалга оширилади.
Тугатиладиган Тошкент вилояти давлат педагогика институтининг Ангрен, Бекобод шаҳарлари, Бекобод, Бўка, Оҳангарон ва Оққўрғон туманларидаги ахборот-ресурс марказлари касб-ҳунар коллежларига берилади.
Изоҳ (0)