Ушбу ҳафтада Афғонистон президентлигини тарк этадиган Ҳамид Карзай мамлакатда давом этаётган урушда АҚШ ва Покистонни айбдор қилиб кўрсатди. Бу ҳақда Reuters агентлигига таяниб "РИА Новости" хабар бермоқда.
«Уруш сабабларидан бири АҚШнинг тинчликни истамаганидир, чунки уларнинг ўз мақсадлари бор эди. Мен ҳозир яна бир бор айтаманки, Афғонистондаги уруш бизники эмас, у бизга тақиб қўйилди, биз жабрланувчилармиз. АҚШ ва Покистон тинчликни хоҳламагунларича биз унга эришолмаймиз», - деди Карзай президентлик лавозимидан кетишдан олдин қилган чиқишида. У мамлакатнинг кейинги ҳукуматига «АҚШ ва Ғарб билан муносабатларда алоҳида эҳтиёткорлик қилиш зарурлигини» маслаҳат берган.
Якшанба куни Афғонистон Давлат сайлов комиссияси президентлик сайловларининг якуний натижаларини эълон қилди: унга кўра собиқ Молия вазири Ашраф Ғани Аҳмадзай ғалаба қозонган эди. У ушбу ҳафта давомида президентлик қасамёдини қабул қилиши керак.
Изоҳ (0)