Пётр Порошенко Украина учун жанг қилишга ва ҳаттоки ўлишга тайёрлигини айтди, дея хабар бермоқда Segodnya.ua унинг BBC’га берган интервьюсига таяниб.
«Мен ўз мамлакатим учун курашишга ва ҳаттоки унинг учун ўлимга ҳам тайёрман. Сизларни ишонтириб айтаманки, Украина аҳолисининг жуда кўпчилиги ҳам худди шундай қурбонликларга тайёр», — дея таъкидлади Порошенко.
«Шунга ишончим комилки, Украина давлат сифатида ва мен шу давлат етакчиси сифатида мамлакатимизда тинчлик ўрнатилиши учун қўлимиздан келганча ҳаракат қилмоқдамиз. Мен урушни тўхтатиш учун, тинч аҳоли ва ҳарбийларнинг оммавий қирғинига чек қўйиш учун иложим борича уринаяпман», — дея қўшимча қилди президент.
Пётр Порошенко, шунингдек Украина ҳудудий яхлитлиги ва суверенитети ўзгаришсиз қолишини қайд этди.
Изоҳ (0)