Ўзбекистон Ахборот технологиялари уюшмасида интернет соҳасини ҳуқуқий жиҳатдан тартибга солишга бағишланган мажлис бўлиб ўтди, дея хабар бермоқда Ictnews.uz.
Мажлисда IT-уюшма аъзолари, маҳаллий IТ-компаниялар ва электрон ОАВлар вакиллари, блоггерлар қатнашди.
Улар интернетда ахборот тарқатишни ҳуқуқий жиҳатдан самарали тартибга солиш, интернетда миллий сегментни янада ривожлантириш ҳамда уни долзарб ва ишончли маълумот билан тўлдириш масалаларини муҳокама қилди.
Мажлисда нутқ сўзлаганлар яқинда Олий Мажлис томонидан қабул қилинган, блоггерлар фаолиятини тартибга солишнинг ҳуқуқий асосларини шакллантирувчи, «Ахборотлаштириш тўғрисида»ги қонунга қўшимча ва ўзгартириш киритиш ҳақидаги қонунни тилга олди.
Нашрнинг таъкидлашича, қонун блоггерлар фаолиятини, мажбуриятлар рўйхатини аниқ қилиб кўрсатган ҳолда, осонлаштиради.
Халқаро тажрибани таҳлил этган ҳолда, сўзга чиққанлар парламент томонидан қабул қилинган қонун бошқа давлатлардаги бундай қонунларга нисбатан анча либерал ва демократик эканини қайд этишди.
Изоҳ (0)