Андижон вилоятида аҳолини сув билан таъминлаш шароитларини яхшилашга қаратилган кенг кўламдаги ишлар амалга оширилмоқда, дея хабар берди «Правда Востока».
«Ҳукумат аҳоли пунктларини ичимлик суви билан таъминлашга 54 миллион долларлик кредитлар ажратди, — деди «Андижонсувоқава» МЧЖ марказий назорат-таҳлил лабораторияси раҳбари Рашид Кириченко. — Капитал маблағ сув манбаларини реконструкция қилиш жараёнида ресурслардан фойдаланишнинг янги, тежамкор усулларини, шунингдек сувни тозалаш бўйича инновацион технологияларни жорий этиш имконини берди».
Ичимлик суви манбаларини янгилаш учун Осиё Тараққиёт ва тикланиш банки ҳам «Андижонсувоқава» МЧЖга 7,7 миллион долларлик имтиёзли кредит тақдим этди. Ушбу маблағ вилоят марказидаги учта кўча аҳолисини тизимли равишда сув билан таъминлаган ўн километрлик трассани тўлиқ реконструкция қилишга йўналтирилди.
Давлат томонидан ажратилган 54 миллион доллар кредит эса вилоят марказининг Навоий ва Ўзбекистон проспектларидаги сув трассаларини капитал янгилашга сарфланди.
Лойиҳа натижасида «Боғи шамол» боғ ҳудуди ва 20 та маҳаллани сув билан таъминлаш тизими яхшиланди. Шу билан бирга, лойиҳа доирасида Асака шаҳри, Андижон ва Олтинкўл туманларига бир маромда сув етказиб бериш йўлга қўйилди.
Изоҳ (0)