Хабаровск ўлкаси ва Яҳудий автоном вилояти бўйича «Россельхознадзор» бошқармаси мутахассислари Хабаровск аэропортида тақиқланган маҳсулот олиб кирилишининг олдини олди, дея хабар бермоқда Amurmedia.ru.
Маълум бўлишича, Ўзбекистондан келган йўловчилар ўз қўл юкларида умумий оғирлиги 90 килограммга тенг шафтоли, ёнғоқ, нўхат, узум олиб ўтишга уринган.
«Бундай юкни олиб кириш Озарбойжон, Тожикистон ва Ўзбекистон Республикаларидан карантиндаги маҳсулотларни олиб киришга қўйилган вақтинчалик чекловларни бузади», — дейилади хабарда.
Бундай чеклов Россия ҳудудида зарарли организмлар тарқалиб кетиши риски муносабати билан 2012 йил 16 апрелда жорий қилинган.
Олиб кириш тақиқланган карантиндаги маҳсулотларнинг барчаси ўтказиш пунктида йўқ қилиниши керак.
Изоҳ (0)