Ucell Бош директори этиб, айни пайтда Евросиё минтақасида технологиялар бўйича вице-президент бўлган Тону Грюнберг тайинланди, дея хабар бермоқда Anons.uz. У ушбу лавозимда Усмон Турон ўрнини эгаллади. Тону Грюнберг ўзининг янги вазифасига 2014 йил 15 сентябрдан киришади.
TeliaSonera гуруҳи вице-президенти ва Евросиё минтақаси бўйича раҳбари Эрик Халберг Усмон Туронга компанияни ривожлантиришга қўшган ҳиссаси учун миннатдорлик билдириб, кейинги ишларига муваффақият тилаб қолди. Шунингдек, Тону Грюнбергни Ucell компанияси бош директори бўлгани билан қутлади.
Сўнгги уч йил давомида Тону Грюнберг TeliaSonera’нинг Евросиё минтақасидаги технологиялар бўйича вице-президенти бўлган. Унгача Эстониядаги EМТ етакчи мобил алоқа операторида турли лавозимларда ишлаган.
Изоҳ (0)