Россия ва Украина президентлари Украинада ўт очишни тўхтатиш бўйича келишиб олгани йўқ, чунки Россия низодаги томонлардан бири эмас. Бироқ улар низони қандай ҳал қилишни муҳокама қилди, дея хабар берди «РИА Новости» Россия раҳбари матбуот котиби Дмитрий Песков баёнотига таяниб.
Украина президенти Пётр Порошенконинг матбуот хизмати унинг Россия раҳбари Владимир Путин билан музокаралардан сўнг «суҳбат натижасида Донбассда ўт очишни тўхтатиш режими ҳақида келишиб олингани» ҳақида хабар берди.
«Путин ва Порошенко ҳақиқатан ҳам айирмачилар ва Украина ҳарбийлари ўртасидаги жангларни тўхтатиш имконини бериши мумкин бўлган чораларни муҳокама қилди. Ўт очишни тўхтатиш ҳақида келишиб олиш жисмоний жиҳатдан Россиянинг қўлидан келмайди, чунки у низодаги томонлардан бири эмас», — деди Песков.
Россия президенти матбуот котиби иккала давлат раҳбарларининг яна алоқага чиқиши эҳтимоли бўйича ҳеч қандай изоҳ бермади.
Изоҳ (0)