Донецк вилоятида ўн нафар Россия десантчилари қўлга олинди, бу ҳақда Украина Хавфсизлик хизмати хабар берди, деб ёзади Euronews. Ушбу янгилик Минскда Божхона иттифоқи—Евроиттифоқ—Украина форматидаги музокаралар бошланишидан бир неча соат олдин пайдо бўлди.
Украина Хавфсизлик хизмати ўзининг Youtube’даги расмий каналига десантчиларнинг украина ҳарбийлари томонидан сўроқ қилиниши муҳрланган видеокадрларни жойлади. Лавҳада десантчилар Ростов вилоятидаги Матвеев Курган қишлоғидан Украна томонга 70 километрлик сафарни амалга ошираётган бўлганликларини таъкидлаган.
Нашрнинг Россия Мудофаа вазирлигидаги манбаси сўзларига кўра, россиялик ҳарбийлар Россия-Украина чегарасида патруллик қилган, шунда эҳтимол улар тасодифан чегарани кесиб ўтган.
Таъкидлаш жоиз, Москва россиялик ҳарбийларнинг Украина жануби-шарқидаги жанговар ҳаракатлардаги иштироки ҳақидаги айбловларни кўп бора инкор этган.
Изоҳ (0)