Donetsk viloyatida o‘n nafar Rossiya desantchilari qo‘lga olindi, bu haqda Ukraina Xavfsizlik xizmati xabar berdi, deb yozadi Euronews. Ushbu yangilik Minskda Bojxona ittifoqi—Yevroittifoq—Ukraina formatidagi muzokaralar boshlanishidan bir necha soat oldin paydo bo‘ldi.
Ukraina Xavfsizlik xizmati o‘zining Youtube’dagi rasmiy kanaliga desantchilarning ukraina harbiylari tomonidan so‘roq qilinishi muhrlangan videokadrlarni joyladi. Lavhada desantchilar Rostov viloyatidagi Matveyev Kurgan qishlog‘idan Ukrana tomonga 70 kilometrlik safarni amalga oshirayotgan bo‘lganliklarini ta’kidlagan.
Nashrning Rossiya Mudofaa vazirligidagi manbasi so‘zlariga ko‘ra, rossiyalik harbiylar Rossiya-Ukraina chegarasida patrullik qilgan, shunda ehtimol ular tasodifan chegarani kesib o‘tgan.
Ta’kidlash joiz, Moskva rossiyalik harbiylarning Ukraina janubi-sharqidagi jangovar harakatlardagi ishtiroki haqidagi ayblovlarni ko‘p bora inkor etgan.
Izoh (0)